باتفاق الزمن علي حُزنِك
والشوك اللي اتربي ف حُضنِك
وعينك اللي تملي تشيل اسرار
يا حزينة رغم سكوتك
وزارعة ف روحك صبار
ادي الضحكة بتهَون حبة
ادي الحزن ف جوف الدار
متعودة تحبي من قلبك
ومش ذنبك انه مقدرش
في حاجات تتقال تتفسر
وحاجات تانية متتفسرش
ضحيتي عشانه بكل شئ
والكل قالك it's over
البرد لما زاد عليه
حضنك انتي كان بلوفر
هو الحب كدة وياما في ناس مش بتقدر
في ناس مخلصة بتشتري وناس بتبيع وتكسر
مساء الخير ي بنوتة
يا طيبة ف القصة
وحلوة ف الحدوتة
بكرة عادي تحبي تاني
حد يكون راجل بجد
مش مهمل فيكي واناني
حد يعرف يحفظ سيرتك
يشيلك ف العين والراس
حد يكون عارف قيمتك
اوعي زعلك يطول
بكرة الايام الحلوة هترجع تاني م الاول
واوعي تلعني الحب
عشان جالك ف يوم مغشوش
تستاهلي الحب والحب يستاهلك
بس هما حقيقي ميستاهلوش...
_بقلم: عمر ابو الفتوح.
رسم: نعمة حبيب.
تعليقات
إرسال تعليق