الكاتبة:مريم محمد

"دعوه امي"

انا فاهم يا امي وواخد بالي إنك بتقولي تملي بخير

واول ما بنام لوحدي ولحالي تفضلي من الهم تعدي كتير 

عارف همك ودُعاك طول اليل فاهم تعبك ونظره خوفك 

وحنيتك ليا ديما لما بشوفك

والدعوة بتوصل لوداني

مالفجر لحد كمان ساعتين

وعارف إنك ليكي مابتدعي

بس بتدعيلي يارب أحرسه مالعين 

دموعك وفرحتك برجوعي 

خوفك ونظرتك لطريقي 

حننك وحضنك بيدفيني 

كلامك وضحكتك تطمن قلبي

وزعلك وحزنك دا كل همي

وبتدعي كمان إن أنا أتحب

مـ التراب إللي أنا بمشي عليه

وإنك راضية وبتقولي يارب

مش لاقي كلام ,, طب أقولك إيه 

اوصف حنانك ولا جمالك

حضنك ودفاكي خوفك ودعاكي

لو السجود ليكي مُباح

كنت صليت لله وليكي

ده إنتي رمز لـ الكفاح

وأنا بـ أقوي فالدنيا بيكي 

بقف دايما كويس عشانك

بداري حزني وهمي عنك 

يمكن اقدر اسد من جميلك

ورضاكي بآخده يوماتي

بوسة عـ الإيد ، والجبين

طاقة بـ تنور حياتي

وبـ تنصرني علي التخين 

دايما اشوف في عيونك حُب

ربنا يخليكي ليا ياست الكل...

مريم محمد "المهيل"