•مااشمعنا انا اللي كان بيحصل معايا كده...؟!
=علشان ربنا عايز كده.
بس انا زهقت!.
كنتي تدعي لربنا!
طب!طب ليه؟ ليه انا دون الناس كلها...؟!
هتقولي لربنا ليه انا بالذات؟!
انا زهقت من المشاكل.
كنتي تصلي و تدعي ربنا اكيد كان حاسس بيكي!.
انا من كتر المشاكل و انا بعيط كنت بضحك انا كنت حاسه اني اتجنن!!
متقوليش كده ربنا بيحبك و جابك مكان حلو اهو.
كان نفسي ابقى زي الناس التانيه.
ازاي يعني؟!
يعني اخرج اتفسح اشتري لبس اتصور احب افرح حتي دي بس انا بقت حياتي كلها حزن و تعب!!
ربنا اكيد شايل ليكي حاجه كبيره.
طب انا مثلا كان نفسي اسافر نفسي اعيش لوحدي نفسي اعيط، عارف يعني ايه مش عارف اعيط؟!
اكيد ربنا كان ليه حكمه في كده ممكن كنتي تسافري و تعملي حادثه!
انا كان نفسي يبقا عندي حد اتكلم معاه اشكيلو اتكلم معاه افرح معاه ازعل معاه..!
يمكن هيبقا عندك الشخص ده في مكان احسن من الدنيا!!
انا مش قصدي شخص احبو! مش قصدي حبيب!قصدي اخ او اخت.
يمكن لو كان عندك مكنوش هيبقو كويسين!ممكن يكون اخوكي صايع و تتعيري بيه او اخت و تموت و تزعلي عليه؟ او... او... او...!
انا كان نفسي يبقا عندي اخ اكبر مني يبقا اخويا و صحبي و ابويا و حبيبي امشي معاه و اتكلم معاه كان نفسي يبقا عندي اخ و احضنو و احس بالامان معاه..
ربنا ممكن يعوضك بحد يبقا كده و اكتر و في مكان احسن.
كان نفسي يبقا عندي اخ يكون ليا سند مخفش من اللي جاي حتي لو كان اخ اصغر مني..
بس انا اعرف انك محبوبه و صحابك بيحبوكي و بيعتبروكي اكتر من اختهم..!
بردو اخ او اخت دول من لحمك و دمك كان نفسي احس احساس الاخوات.
ربنا جنبك و حاسس بيكي...
ونعمه بالله طب انت عارف؟!كان نفسي اعيش سني و انا صغيره.
ازاي..؟!
العب اجري و ميبقاش في مشاكل في حياتي.
انا كمان مكنتش بلعب كانو بيقولولي ممكن تقع و انت بتلعب.
انا رغم سني و انا صغيره بس كنت عرفت الحياه!عرفت يعني ايه صحاب وحشه و عرفت يعني ايه مشاكل و تعب و حجات كتير..!
انا زيك حياتي كانت ممله..
عارف؟انا كنت بدعي علي نفسي.
ازاي...؟!
كنت بدعي اني اموت و كذا مره كنت هنتحر.
بجد!
اه مره كنت هرمي نفسي من البلكونه و مره كنت هموت نفسي بالسكينه بس عمري مخت خطوه كنت بخاف من ربنا هقولو ايه؟! مقدرتش علي مشاكل الدنيا!و خوفت من الناس والدنيا و مخوفتش منك..!
انتِ صح انك معملتيش كده انا كنت هزعل لو كنتي عملتي كده..
اهو انا معاك و من غير منتحر ربنا هو اللي جبني هنا مع رغم اني زعلانه لما شوفت اهلي زعلانين عليا و صحابي! بس فرحت اني سبت الدنيا..
و انا كمان انتي جيتي قعدتي معايا انا كنت قاعد لوحدي زهقان و خايف...
﴿إن الله معك﴾
منة أحمد🖋️
﴿عاشقة الليل﴾
تعليقات
إرسال تعليق