الكاتبة: حبيبة يوسف

"إسمعيني"

فينك كدا؟

شايفك قاسية عليا

مش كدا!

قافلة بابك لي؟

طب أنا الغلطان؟

افتحي صارحيني

وأنا أسف ليكِ

علىٰ كل حاجه معملتهاش 

صدقيني بَتوجِع 

وأنا زي زيك 

في حاجات بتأذي قلبي 

وبيتكسر برضو

بلاش تستقوي أكتر مِن كدا 

طب افتحلك شباك قلبي؟

هتلاقي فيه أنتِ والله وبس 

مالك قاعدة

حزينه كدا لي! 

طب قوليلي الحقيقة

 أنا عملت أي!

هو مش احنا اتفقنا أني 

أكون أب ليكِ 

والأب بيصالح 

بس قبل ما يصالح 

لازم بيسمع فين الصح مِن الغلط 

وأنا أب قلبي خفيف 

مقدرش أزعل بنتي 

فسامحيني 

أنا جاي هنا أتأسف 

الغلط مش مني 

بس إنتِ لو شيفاه مني، فأنا أسف

وسامحيني  

أنا كنت عاشق هواكِ 

معرفش فين الصح مِن الغلط 

أنا كنت زي طفل أمه ماتت مِن وهي بتولده 

وقام يعيط 

فين أمي!

محدش فاهمني لي!

طفل لسه في عينه حياته ومستقبله 

حياه متدمرة

ومستقبل ضايع كمان

أنا لي جيت هنا؟

أنا كنت في عالم جميل

مسألتنيش يعني! 

مين يعوضه أمه 

ولا سألتي برضو مين هو الطفل الحزين البائس 

بس أنا هجاوبك برضو 

الطفل دا يبقىٰ أنا 

واللي يعوضني هيا أنتِ

محتاج طبطبه 

وكلمه هتعدي يا ابني 

ودعوه حلوة

 من أم لأبن طايش

وحضن جامد

فيه كلام كتير 

يهديني

وأنا جمبك مش هسيبك

صدقيني أنا غلبان 

مكنتش أقصد 

لما أمي ماتت بسببي 

كل الخلق جايه عليا 

وكأن أنا اللي أخدت روحها

من بعد ما اتولدت مكنش ليا حد 

كتر خيرهم ناس مدتلي أيديهم 

وأول ما كملت الستة مِن عمري 

سبوني عادي 

بقيت وحيد مِن بعدها 

شوفت قسوة كتير 

مِن ناس يهديهم ربنا 

وكلام كتير كان بيحبط وقتها 

كبرت وأنا شايل هم نفسي 

ولقيتك وقتها 

مدتيلي أيدك 

وقولتي ليا كلام 

فعلًا خلاني أحبك 

وقولت أن اللي خلقني عوضني 

وأن التعب هيزول في يوم

أو ساعه أشوفك فيها مثلًا 

أو مِن كلمة منك كنت محتاجها 

صدقيني شوفت أن الحياة حلوة

من بعد ما دخلتي حياتي

 جايه تمشي دلوقتي 

صدقيني مش هقدر  

مستعد أعمل أي شيء عشانك 

هشقىٰ وأعافر بس بلاش تتركيني 

مش عايز أشوفك في مرة 

ماشية مع واحد بدالي 

ماسكه ايديه وبتضحكي 

وعيالك يتسمو علىٰ إسم مش أسمي 

متسبنيش 

أنا لسه محتاجلك.

"حبيبة يوسف"