حوار صحفي للجريدة مع الكاتبة"هاجر محمد"

سأعرفكم علي من وصل لتحقيق حلمهِ مجتهدًا

الكاتبة" هاجر محمد السيد " 

ممكن تعرفينا بنفسك؟

- الإسم: هاجر محمد السيد.

- السن: 19 سنه.

- الكليه: الفرقه الثالثه دراسات إسلاميه.

- المحافظة: الأسكندريه.

ماهى موهبتك ؟

" الكتابه ".

هل لكي موهبة أخرىٰ غير ذلك؟

" ايوا، إلقاء الشِعر ".

متى أكتشفتي موهبة الكتابة، ومنذ متي بدأتي مزاولتها بشكل أساسي؟

- إكتشتفت الموهبة دي من حوالي أكتر من شهرين.

- بدأت مزاولتها بشكل أساسي من حوالي أكتر من شهر بإن أول حاجه عملتها شاركت ف كتاب مُجمع هينزل معرض القاهره (2022م) إن شاء الله اسمه "خط مجهول" .

هل سبق لكِ بالإنضمام إلي الكيانات، وكيف كانت مسيرتك معها؟

- ايوا، دخلت ف كيانات كتير جدًا وأخدت كذا شهاده ف الكتابه والإرتجالات وحصلت علي مراكز مختلفه ف المسابقات دي تتراوح مابين مركز ﴿ أول، وثاني، وثالث﴾، وكان أول كيان اسمه "كيان جنه" وبدأت ابعت الخواطر بتاعتي ال بكتبها وهما بيصححوها وبدأت أتعلم الطريقة الصحيحه للكتابه وكل مره ببعت فيها خواطر بيكون عدد الأخطاء أقل من ال قبلها وأحيانًا مش بيكون في أخطاء نهائي.

تحدثي عن مسيرتك الكتابية منذ بدايتها؟

- كنت ديما بقعد مع نفسي وأقول كلام كتير جدًا ف فكرت مره ليه مقولش الكلام ال جوايا دا للناس، ومن حوالي سنه حاولت ءألف كتاب وفعلا بدأت فيه بس صرفت نظر عن الموضوع دا خالص، وكنت بكتب حاجات وانزلها عندي ع الواتساب ولقيت إن في ناس كتير بيعجبها كلامي وبيطلبوا مني أكتبلهم حاجات وكانت بتعجبهم جدًا، وفيوم شوفت بوست ع الفيس إعلان ل مبادرة عن كتاب مُجمع ف حبيت أشارك فيه وكتبت 3 خواطر وبعتهم وعجبوهم جدًا وشاركت ف الكتاب وهو حاليًا بينطبع وهينزل ف معرض القاهره الجاي إن شاء الله اسمه "خط مجهول"، وشاركت ف كتاب إلكتروني وحاليا بيجهر وهيكون موجود بعد 15 يوم اسمه "رسائل بهجه"، وفي كتب كمان بيعلنوا عنها وإن شاء الله هشارك فيها بردو، ودخلت كيانات كتير جدًا الفتره دي وبنزل الخواطر ال بكتبها علي عدة جرايد مختلفه مثل جريدة (تخاريف+ الفِكر العربي+ ضيّ ...).

هل وجدتي دعم من أهلك ومن المحيطون بكِ فى بادئ الأمر؟

- في الحقيقه أيوا، لما عرضت الفكره على أهلي و صحابي شجعوني ودعموني كتير جدًا.

وحاليًا هل هناك دعم لكِ؟

حاليًا أنا بدعم نفسي بنفسي وفي دعم بردو من أهلي وصحابي، وبحاول أبعد عن أي انتقاد وكلام ممكن يخليني اتراجع عن المشوار ال أنا ماشيه فيه.

 ماهى مخططاتك للتحسين من نفسك والوصول إلى ما تطمح إليه نفسك ويرضيكي؟

بشارك ف أي كيان، وبنزل الخواطر بتاعتي على جرايد مختلفه، وعندي قناة ع اليوتيوب اسمها "Hager Mohammed" بنزل عليها بعض النصايح وبقلي شِعر عليها، وبشارك ف كُتب مُجمعه، عاوزه أطور من نفسي أكتر وكل حاجه أكتبها تكون أحلي من ال قبلها، وأجمع عدد كبير من الناس ال تدعمني وتحب الكتابه والإلقاء بتوعي، عاوزة أخد كل حاجه بالتدريج علشان لما أوصل لهدفي أبقي مرتاحه.

بِـ مَنْ تحبي أن تشكري الشخص الذي سعادتكِ بذلك؟

- أولًا: بشكر ربنا وبقول الحمد لله على كل ال وصلتله وقدرت أعمله ف الفتره البسيطه دي، ثانيًا: بشكر والدي و والدتي وإخواتي علي الدعم المتواصل ليا، ثالثًا: حابه أشكر صديقات عمري وأخصهم بالذكر (بسمه و سمر) قفوا جمبي كتير وشجعوني كتير جدًا جدًا.

وأخيراً تحبي توجهي رساله ما لمتابعينك وأحبابك ولأي شخص موهوب للكتابة؟

- حابه أوجه رساله لكل حد متابعني ومعجب بكتباتي وإلقائي وبيدعمني ولو بكلمه بيسطه أنا بشكرهم جدًا على دعمهم ليا لأن لولا دعمهم أنا مش هعرف أكمل ولا هقدر أوصل لهدفي، وحابه كمان أقول لكل شخص عنده موهبه من كتابه أو غيرها إنه إن شاء الله هيقدر يوصل لحلمه ويحقق هدفه أهم حاجه التوكل على الله والإستمراريه والصبر والإستعانه بالله والتخطيط الصحيح وعدم التسرع، ولو حد جاتله فرصه ف أي يوم يغتنمها كويس علشان الفرصه مش بتيجي غير مره واحده وممكن متتكررش تاني.

"والسلام ختام"