عاش بيداري وجعه و مخبيه
كان كل الناس حوليه و معاه
لكن ولا حد كان حاسس بيه
صاحب الكل لكن ملهوش صحاب
حبيب الكل لكن ملهوش حبيب
عاش يداوي في جروح الناس
دور لكن ملقاش لجروحه طبيب
وقت الحاجة خيار أول
مفيش غيره ملهوش بديل
كان مين يقول إنه يتحول
يصبح للحظة خيار تاني
إنسان بهتان عايش بهموم
دموع على خده قبل النوم
دخل معارك خارج منها مهزوم
فطبيعي كان يتحول وحداني
كان مجبر يدوق طعم الهموم
وسط الكتب وسط الأغاني
داق الخذلان من أقرب من حواليه
لكن عمره ما فكر يبقى أناني
عاش بحسن سيرة و سمعه
كان مين يقول يموت بدمعة
نزلت وقت كسرة من عينه
عادي الدنيا موقفتش عليه
والصحاب عاشوا من بعده سنين كتير
عاش طول عمره بيوزع فرحة و خير
و بمجرد موته كل الخلق نسيوه
ولا ساب أثر ولا حاجة تحكي عليه
شوية قصائيد على الورق
بسببها الخلق حباه
مع عود كبريت أتحرق
كل الخلق كانت ناسيه
حكم الدنيا طيب ملهوش مكان فيها
يا تبقى ندل حقير يا تعيش ذليل فيها
صاحبنا معدنه طيب موجود فينا
لكن غلطته أنه معْش الدنيا زييِّنا
#حسن محمد (طبيب نفسي)
تعليقات
إرسال تعليق