كانت مش زي ما كنا عاوزينها مِن سنين
كان معايا سَبعه مِن صُحابي
كانو مسمينا بشله جعفر واِلعصابه
كنا بنمشي في أي مكان
محدش يقدر يجي نحيتنا
مع إننا كنا بنمشي نهزر ونضحك وعادي بس كنا ماشين في خط مستقيم
ممنوع واحد يجي ويعلقنا بكلمتين بس جت السَبعه فينا وقطعت الخط
وجه فلان علقها وحبته
وبعدها فرقِتنا والسته بقىٰ غارِت منها إشمعنا هي يعني
تحب وتتحب
منا ممكن أعمل كدا
وفتحت باب قلبها فعلًا
وهي كمان حبت وفرقتنا
والخمسه كانت رافضه تمامًا فكرة الحُب
بس بعد زن مِن اللي حبوا قبلها؛ حبت هي كمان
بقينا أربعة
والرابعة قالت مش هحب
وحتىٰ لو حبيت مِش هعمل زيهم بس عادي هي كمان دلوقتي مشيت
بقينا تلاتة وأنا منهم
يا ترىٰ بقىٰ مين هيفارق الأول
ولا هما الإتنين هيفرقو سوا
ويسبوني بطولي
التالته جت وقالت مش هحب وبنظرة مِن واحد كانت في دنيا تانيه
وحبته وفرقت هي كمان
مفضِلش غيرنا إتنين وبس
بقينا بنخاف نقرب
حتىٰ حكايتنا بقينا بنحكيها كل فين وفين
طب تيجي نتفق إتفاق
نرجع زي زمان نمشي زي الألف ونبقي واحد
و أوعدك عمري ما أفارق
وإنهارده
كنت رايحه المكان بتاعنا المُفضل
ولقيت صحابي كلهم
قاعدين بيحكوا ويضحكوا
أول ما شوفتهم
حقيقي عنيا دمعت كانوا واحشني أوي
روحت وقعدت معاهم
محستش بحاجه غير
إني في حضنهم ودموعي مش بتهدأ وبعدها
كل واحدة بدأت تحكي عن حياتها
مِن أول واحده فارقت
لآخر واحده فيهم وكلهم
بيقولوا أن حكايتهم بدأت حلوه جدًا ومع الوقت
اللي بيحبوهم جم قالولهم خلينا نبعد
وأنهم زهقو مِن العلاقة
ومرة واحدة
قولت وأنا بصولي كلهم
بنظره إندهاش
كانو عاوزين يعرفو مالي
وكان نفسهم يسمعوني مِن تاني ويسمعو نصايحي كمان
منا أصلي مكنتش صاحبه ليهم وبس
أنا كنت أم بتنصح وأخت بتطبطب وصاحبه صالحة
يلا نصلي أول ما الأذان يقول الّله أكبر
كل واحده تجري للوضوء
ونصلي جماعة كلنا
والكبيرة تقوم الصلاة بينا
وكنت أب بيسند رغم إني بنت زي زيهم
وأخ كمان بيعاتب علىٰ الغلط
وفي صوت واحد كلهم
قالولي مالك رديت عليهم وقتها
أنا كمان حبيت
بس رفضت إني أدخل في علاقة محرمة
وكنت عارفه أن علاقاتكم كلكم مش هتكمل
مهو أصل الحرام عمره ما يكمل
كل واحدة فيكوا فارقت
ودلوقتي جايين تندموا
ياريتني ويارتني
كان فين الكلمه دي مِن وقتها مع إننا إتفقنا منسبش أيد بعضينا
غير لو الموت دخل بنا
وكنا دايما ندعي نموت سوا
عشان نبقىٰ برضوا سوا
كنا متفقين منحبش غير اللي يجي يخبط علىٰ بابنا
يكون مشتري مش بايع
مش يقدّي فتره وبعدها يمشي
مش كل النهايات حلوة
في نهاية تِسعد ونهاية تكسر وكل واحد بيختار نهايته بايده وإنتوا
إختارتوا نهايتكوا
اختارتوا تعيشوا بداية حلوه وتنهوها بسواد بس أنا غيركم
عملت بكلامي وإختارت إني أعيش بدايتي ونهايتي في سعادة
حتىٰ لو حبيت مش هسمح لقلبي يتكسر لو بيحبني
هيجي لحد بيتي ويقول لأهلي بحبها.
بقلم "حبيبة يوسف"
تعليقات
إرسال تعليق