ف نوڤمبر عشرين عشرين
بالتحديد ف نهائي القرن
كان نص الشعب موعود بالبُكا
كان قفشة موعود بالضرب
خسرنا اتنين نهائي والحزن ف روحنا طال
بدأت صفارة الغربال
والجميع علي اعصابه
طرف مستني الحسرة
وطرف مستني انتصارهُ
ادي كورنر تم احتسابهُ
معلول رفع الزغلول
هرب السولية والكل سابوا
يدب ف روحنا الامل
الزغلول راح بالمقاس
والجون ف مرمي ابو جبل
بيقلب المواجع
رجع الاهلي يدافع
شيكا بيحط جون!
طب ازاي ساب المدافن؟!!
والماتش بهدوء يتحول
خلصان الشوط الاول
والجميع هنا ميال
بدأ الشوط التاني
والماتش لسة سيجال
يخاف عقلي وقلبي يقولي مُحال
وصوت يقول معقول!
كورة من اجاي لمعلول
والجميع ف سكات
ضيعها الشحات!
هو في اي النهاردة!
ترد الكورة لزيزو
تيجي كمان ف العارضة
حزن ومعاه ذهول
تماس للمعلول...
ف الملعب شئ غريب مخلوط بالاشواق
ترجع بالراس والاكسترا تايم قريب
وتسلم راس محمود علاء
وسعت عيون بن شرقي
قفشة ف مساحة فاضية
سلامة ضهرك يا ابو جبل
وانت بتاخد القاضية!
يجري الجميع فرحان
افرح يا راجل يا مؤمن
حلم التاسعة اكيد
وادي القاضية ممكن
ومفيش ف التاسعة تعاسة
ومفيش ف القاضية عتاب
دي جاية ومكتوبة
بقميص مغطي بالالقاب... ❤
_بقلم: عمر ابوالفتوح
تعليقات
إرسال تعليق