أصعب عليكو
لكِن
أنا إنسانه وبحِس
أنا اللي حبيبي فارق
وقت أما إبتلاني ربنا
وأخواتي خافو مِن شكلي ومنظري فقالو يمشو
نفسي يعرفو
أن الكانسر مش بأيدي
وإنه مش حاجه عيب
وإن ربنا هو اللي رايد
لي كلكو مشيتو عشانه
ما كلنا ممكن يجلنا
ممكن مره واحده تبقي شبهي
تصحي مِن نومك
تلاقي شعرك مرمي حواليك وعادي
تتفجع
وتقوم تعيط
والتعب يذيد عليك
فتخاف أوي
وتجري علي المستشفي تكشف
فيقولك الدكتور
دي حاجه بأيد ربنا
عندك كانسر يبنتي
وحدي ربنا
وبلاش عياط كتير
عايزين نفسيه كويسه
وأمل كبير في ربنا
في إنك تخفي وترجعي
بس ازاي دا كلو وانا لوحدي مثلا
مش لاقيه كلمه كويسه
ولا حتي طبطبه مِن شخص معرفهوش
ولا مسدج يجي بالغلط مثلًا
لي كل اللي قال باقي
دلوقتي مشي
بس فعلًا
الشدة بتبين
مين حبيبك
ومين عدوك
وكلهم بانو يعني وقت أما جالي
بس عادي
أنا لسه مكمله
وهعيش حياتي
ومش هيهمني
وواثقه في ربنا
أنه أكيد هيشفيني في يوم
أيوه أنا مريضه الكانسر اللي الكل سابها عشانه.
"حبيبة يوسف"
تعليقات
إرسال تعليق