الكاتبة:حنين محمد

# اسكربت

" انا تولين عندي 21 سنة في كلية آداب "

- يلا ي تولين عشان الكلية بتاعتك 

= حاضر ي ماما 

صحيت من النوم و اتوضيت و صليت و لبست هدومي و نزلت علي الكلية بتاعتي هناك قابلت ولاء صحبتي 

- ازيك ي تولين عامله ايه النهاردة 

= الحمد لله تمام 

- هتروحي النهاردة المشوار بتاع كل يوم الاثنين 

= ايوه هروح 

- تمام يلا عشان نلحق المحاضرة قبل ما الدكتور يدخل 

خلصنا المحاضرات و طلعت روحت للدكتور 

- ازيك ي آنسه تولين 

= الحمد لله تمام ي صفاء عامله ايه 

- انا الحمد تمام اقعدي هناك لحد ما دورك يجي 

= حاضر ي صفاء 

قعدت لحد ما صفاء نادت عليا 

- آنسه تولين دورك جه 

= تمام 

دخلت عند الدكتور طبعا زي كل مرة مش عارفة احكي حاجة بس هي متفهمة ده و عايزة تسمعني المهم الجلسة خلصت وانا طلعت من الأوضة 

- اوبس ! معلش ي آنسة انا آسف جدا 

= عادي ولا يهمك 

دقيقة صمت الاتنين بيبصوا في عين بعض وبعدين استغفروا الله و كل واحد فيهم اتمني أمنية 

تولين اتمنت في نفسها أنها تتجوز واحد ملتحي شبه الشخص اللي قدامها ، آسر اتمني في نفسه أنه زوجته تكون مختمرة شبه البنت اللي قدامه 

دورك ي استاذ آسر 

- تمام ي صفاء 

" اسم جميل " تولين قالتها في نفسها

روحت البيت 

- ماما انا جيت 

= حضري نفسك يلا عشان نروح خطوبة بنت خالتك 

- يعني لازم ي ماما اروح معاكي 

= ايوه لازم يلا ي بنت اسمعي الكلام 

- حاضر 

دخلت اوضتي و اتوضيت و هي بتصلي في دعت كتير أنها تتجوز واحد زي آسر و لبست هدومي وطلعت لماما 

- يلا ي ماما انا خلصت 

= يلا يا تولين انا كمان خلصت 

روحنا الخطوبة قابلت نفس الشاب اللي خبط فيا عند الدكتورة كان بيبصلي كتير الخطوبة خلصت روحنا 

* عدي شهر * 

تولين كل يوم يجي علي بالها آسر فتقعد تستغفر كتير و تقوم تصلي و تدعي كتير ،و كمان آسر كان بيصلي كتير عشان يروح يتقدم ل تولين كان متردد بس صلي استخارة و حس بالراحة فقرر أنه يروح 

- تولين عايزة اتكلم معاكي في موضوع 

= قولي ي ماما 

- في عريس متقدملك 

= تاني ي ماما انا قولتلك اني مش عايزة اتجوز 

- ليه ي ماما اقعدي معاه الاول مش يمكن يعجبك 

= اللي تشوفيه ي ماما 

- هو هيجي النهاردة الساعة 7

= حاضر ي ماما 

* الساعة 7 * 

- يلا ي حبيبتي العريس بره 

= حاضر ي ماما هطلع وراكي 

بصيت علي نفسي في المرايا و عدلت خماري و طلعت بصراحة مش قادرة افكر في حد تاني غيره ايوه هو نفس الشاب اللي خبط فيا عند الدكتورة و شوفته كمان في خطوبة بنت خالتي و دعيت ربنا كتير في صلاتي أنه يخرج من قلبي 

المهم دخلت 

- حلوة السجادة جدا بصراحة أنا كمان حبيتها 

انا في نفسي ايه الظرف ده احنا ناقصين 🤦🏼‍♀️😒 و رفعت عيني ابص علي الظريف ده 

= هو انت ؟!! 😨

- ايوه انا كنتي متوقعة حد تاني ولا ايه 😂

= لا ابدا مش قصدي بس انت عرفت عنوان بيتنا منين 

- من بنت خالتك 🤷🏻‍♂️

= نعم ! ده اللي هو ازاي 😳

- باختصار شديد للموضوع خطيبها يبقي صحبي و سألته و هو سألها وبس كده عرفت العنوان 

= تمام 

عايز ايه بقا 

- عايز اتجوزك 

= ليه ؟!

- هي الناس بتتجوز ليه 

= مش عارفة مفكرتش في الموضوع ده قبل كده 

- انا مستعجل 

= خلاص قوم امشي 

اي ي ولاد خلصتوا ولا ايه صوت ماما 

- لسه ي حماتي بنتعرف علي بعض 

ماشي ي ابني

= اشمعنا انا 

- بعد كتب الكتاب هقولك مش هينفع دلوقتي 

= وانا موافقة 😊😊

- الشربات ي حماتي 

حاضر ي ابني ده كان صوت ماما من المطبخ 

- كتب الكتاب الجمعة الجاية 

= ده اللي هو ازاي ده اتبقي 3 ايام بس 

- ايوه انا عارف جهزي نفسك و انا هبعتلك الفستان و الخمار بتاعه 

= ايه المجنون ده قولتها بصوت واطي جدا 

- سمعت علي فكرة يلا انا ماشي ورايا حاجات كتير اعملها وانتي كمان ورامي حاجات كتير 

* يوم الجمعة * 

بارك لكما و بارك عليكما وجمع بينكما في خير قالها المؤذون 

مرة واحدة حسيت اني مش علي الارض 

= بحبك ي تولين 

- وانا كمان بحبك ي آسر 

# احببتك ي ذات الخمار و رأيته عليكي كأنه تاج علي رأسك #

بقلم : حنين محمد