الشاعر: عمر ابو الفتوح

قصيدة: رسايل البحر 

"وقت ما اعلن راجح داؤد حبه للبحر 

كانت عيونه بتلمع وقلبه يوميها مايل 

الرسايل بتوصل ف قلب الموج 

وفهم يوميها ان للبحر رسايل 

كان يحي ف دور الدكتور 

عايش حزنه تملي معاه 

صعوبة الكلام بين شفايفه 

بتوضح حجم المعاناه

بيضيق العالم عليه 

ودا شئ مش عارف ينساه 

يهرب لنورا م العالم كل يوم بليل 

فيكره العالم اكتر ويزيد لنورا الميل 

العالم ضايع جواك يا يحي 

قرب من نورا وانت تلاقيه 

ف بُعدك يا نورا مفيش يحي

والعالم بيرجع تايه فيه 

كل الكلام الصعب مع غيرها 

وياها بيكون قايلهُ

اتاري البحر دا الدنيا 

واتاريكي يا نورا رسايله 

لربط النصيب بالموجود 

في رسايل كانت هتغرق ف البحر 

لكن انقذها راجح داؤد 

عاشت لما سمعت لحن 

فصبح الحنين مولود 

يهرب منها مع كل نهار 

وكل ليل قلبه يسألهُ عنها!

تضيع الروح بلا جدوي 

ويلاقي روحه عندها 

ازاي حبيتها يا يحي؟!

ودي اخر واحدة ممكن تحبها 

الطفل اللي ف راح حرب الدنيا

رجعتلهُ الحياة ف حضنها 

ليه تشتري الاوتومبيل يا يحي؟!

طالما قادر تقطع تذكرة

انا مش عايزة زي ما هي!

ودي جملة بتثبت قُربها 

الشمس اللي اتعودت تأذي سنين 

نورا كانت ضلها 

فطبيعي يحي يروحلها 

يقولها بحبك بدون كلام 

ونورا تفهم انه قايل 

فيناموا علي لحن راجح داؤد 

ويخبوا ف قلوبهم رسايل 

هو الحب كدة اوقات يغرق 

واوقات يكون سبيل للبر 

ماذا لو مفيش نورا؟!

او مفيش رسايل البحر.

_عمر ابوالفتوح.