والأمر ميسرش والمحزن في الموضوع
أني بقيت عادي برغم كتير بقيت متناقض
في كل شيء جوايا بقيت إنسان آلي
خالي من الإحساس رغم أني جوايا كبير
أصبحت تايه في الملكوت وجاهل سبب العلة
وكل العيلة جوايا بقيت مذنب ومتساب
أصبحت كاره اللذات وبت تعبان متصاب
بميت حاجة وجعاني وشغلني جدًا أني مش بخير
الأمر من سيء لاسوء بكل صوتي بقول انتهيت
قلبي بيت وبات مهجور وخالي من كل شيء
فأصبح لاشيء كوني حتى كوني اتبرأ مني
وبدل مكنت موجوع وكلي خضوع
لأى أذى يجيني وقبل متغفل عيني
أتمنى الموت مع أني مش جهزله
لكن على أقل هرتاح فاضي البال ومش متصاب
ولا كئيب ولا محتاج هكون جسم بالوقت
هيتحول لرماد هختفى من سكات
من غير أذى لكام واحد كنتلهم شيء كبير
هيفتكرني أكيد ناس وأتمنى يكون بالخير
وصحابي؟ مش موجودين مكانهم فاضي ومش مليان
بفتكر شكل ضحكتي قدامهم ومن جوايا بركان
وكانوا جاهلين محسوش صدقوا كدب الوشوش
والضحكة الخداعة افتكر كام مرة الحزن
اتملك من ملامحي وعجزت عن تغيره
وكان رد فعلهم ليا طبطبة باردة على كتفي
بدون شعور بشيء فيا هند فري
مش ناسية حالتي وقتها ولا إحساسي
قد أى رد الفعل قاسي وَبنت هادى وتمام
ومن جوايا بركان بينفجر فيا
كنت المجنى عليه والجاني عتب عليا
اني بنت ضحية وهو هلاك! أنا مش ملاك
لكن كنت محتاج واسفي دلوقتي
على احساس احتياجي المخذول ولاجل القول
العيب فيا آذاى للمرة التانية قلبي اتعشم
فكتف أسند عليه وحضن اجيرله واخبي ضعفي فيه
آذاى كنت غبى وضعيف لدرجاتي بس استاهل
من غير متكلم واكشف في جروحي
لقيت رد عجزني عن البوح بصوت منبوح أنا تمام
قلبي نفسي صعبت عليه وهان عليه روحه
كل منايا دلوقتي أرتاح اكون خالي البال
وفاضى من جوا أبطل أحن لناس غابوا
في وقت قلبي احتاجهم بقوة بغشم منه
وقلبي الغبي لسة بيحن ويشتاق أد أى الغباء بيتلخص فيا
و لامتى تايه في الملكوت وقلبي يبطل يموت
في قلوب بتيجي عليه آذاى بهون لدرجاتي.
الكاتبة:ندا محمود
تعليقات
إرسال تعليق