بقلمـ: مريم محمد "المهيل"
ست البنات
حببتي وروح قلبي
دي سكر نبات
نظرة منك تفتح حياتي
يادنيا جوا دنيا
يا احلى وردة هعيش ليها
يا سلطانه الكل طمعان فيها
قلبي دق ليكِ
وبسعي اسمك يكتب علي اسمي
وتكوني ملكِ ورسمي
يا عيون غزال
يا ضحكه تدوب قلوب عُزاب
من دلوقتي مفيش كلمه سنجل
اصلك خلاص جه الي ملك قلبك
من حبي فيكِ بشوفك في احلامي
بتضحكيلي وشيله عيالي
وانا بأكدلك أن قلبك مش ملكك
معذبة قلبي ببعدك
بس هسعي لقربك
ياوردة زرعت في قلبي محبة
يا فرحه جتلي في ايام صعبة
يا دنيا خلت ايامي احلى
يا سكرة معاكي عمري يحلاى
بحبك وهفضل اقولهالك
حتي لما تشيلي عيالي
وتبقي ببطن قدامك
هفضل اوصفلك جمالك
بكل حلاتك عجباني
تخينة رفيعه حزينه فرحانه
نكدية دا انا في عيوني هشيلك
هقدر تعبك وهمك
دانتي هتبقي مراتي
وهتشيلي تعبي وبيتي
في تعبك ضلوعي تضمك
في هبلك هلعب جمبك
هكون اب وسند
ضهر وعيلة
هكون عالم جديد ليكِ
هفضلك ماسك ايدك
ديما هفضل فاكر وعودي
ومش هسمح ان البعد يدخل بينا
وفي كل مرة هوفي بوعودي
كل سجدة بطلبك من ربنا
بدموعي بدعي تكوني نصيبي
وكل ليلة هدعي
لحد ما اكون إمامك في بيتي...
تعليقات
إرسال تعليق