الكاتبة: ملك أحمد

#اسكريبت_بعنوان:- خليلُ عائش

-أنا مستنيكِ بره يا عائشة

-خمس ثواني بس

"لبست نقابي وطلعت مرايه صغنونة اتأكدت إني عيني مش ظاهره وإن النقاب معدول وخرجت من المسجد، وقفت أدور عليه بعنيا، لمحته واقف مع واحد شكله في نفس سنه وطويل و... استغفر الله العظيم فين غض البصر يا أُخت عائشة! قربت منه وأنا مكسوفة من صاحبه"

-أحمد

-بابتسامة: أخيرًا شرفتي! 

-أيوه ويالا عشان جعانة

-طيب يا أحمد هكلمك بالليل، سلام

-وعليكَ السلام، يالا على البيت يا آنسة

-يالا يا مودي

"وصلنا البيت وغيرت هدومي وطلعت لقيته بيقرأ في كتاب"

-أحمد

- ..... 

-حمادة

- .....

-بصوت عالي: أحماااااد

-بخضة: في إيه يخرب بيت كده

-بتخرب بيت كده ليه يا أحمد ها؟ هانت عليك العِشرة؟ 

-بت خلصيني

-روحت قعدت جنبه وقولتله: مين اللي كنت واقف معاه ده؟ 

-اممم قصدك أنهي؟ 

-الطويل أبو شعر ده

-لا ما شاء الله غض البصر جايب مفعول

-بإحراج: احم... بنغض البصر لكن منح الله قلبي البصيرة يا أخ أحمد

-بسخرية: بارك الله فيكِ يا أخت عائشة!

-ها مين ده بقى؟ 

-ده خليل صاحبي تتجوزيه؟ 

-ياريت والله بدل قعدتي جنبك

-لا والله! 

-اها، بس مترجعوش في كلامكم بعد كده

-عائش

-ما تجوزهولي يا أحمد؟

-أين حُمرة الخجل يا بنتي؟ 

-سلفتها للطماطم فإحمرت 

-بعصبية: عائشة

-ببراءة: نعم

-قومي مِن جنبي

-وه! طب متكلمنيش تاني

-شدني من ذراعي وقعدني على رجله: بهزر بالله، حقك على قلبي. 

-ضحكت: إنتَ فاكرني زعلت؟ 

-ضحك: لا أنا عارف إنك مهزقة

-والله؟ 

-والله أخوكِ بيحبك، قومي فطريني بقى

-طب وخليل؟

-بتعجب: خليل مين؟ 

-صاحبك

-ماله؟ 

-مين يفطره؟ 

-ضربني بالقفا: عااااائشة

-آي، عايز إيه؟ 

-معندناش بنات للجواز 

-باستعطاف: يرضيك أعنس يعني؟

-عائشة!

-هه! أصلًا البنت ملهاش غير بيت أخوها

"أكلنا وضحكنا وضربني بالقفا تاني وبعد كده سابني ونزل شغله، وأنا نضفت البيت ورتبت المكتبة اللي أحمد بيه بهدلها وقعدت في الصالة اقرأ وردي مِن القرآن، وبعدها جهزت الغدا وقعدت مستنية أحمد، وبالفعل أحمد رجع وقعدنا نتغدى"

-تسلم إيدك

-الأكل مظبوط؟

-زي القمر

-والله إنتَ اللي قمر!

-بس ناقص شويه ملح 

-هتاكله بردو مليش فيه

-حاضر حاضر

"بعد الغدا لقيته غير هدومه وشكله خارج"

-أحمد

-بانشغال: اممم؟

-رايح فين؟

-خارج

-فين يعني؟

-الشارع

-الله ينور عليك فهمت أنا كده!

-رايح أشتري حاجات

-ليه؟

-واحد صاحبي جاي بالليل هيقعد معايا شوية

-ما كُنت تقولي من بدري عشان أروح لحنين؟

-لا، ابقي اقعدي في أوضتك وخلاص

-بتأفُف: ماااشي

" أحمد خرج وأنا قاعدة متدايقة مِن صاحبه اللي هييجي بالليل، هتقولوا ليه؟ هقولكم بصوا على أول كلمتين."

"الساعة بقت سبعة والجرس رن فجريت بسرعة وأنا فرحانة إنه رجع، وكنت لابسه اسدالي، بفتح الباب وأنا بقوله: اتأخرت يا رخم لِـ....أوبس!

وقفلت الباب في وشه! كان صاحبه اللي كان واقف معاه الصبح، يا نهار! شافني مِن غير نقاب! ارفع عليه قضية واسجنه للأبد؟ لا لا هكتفي بأخذ عنيه اللي شافني بيهم، هو مش لحق يشوفني صح؟"

-من ورا الباب قال: يا آنسة؟

-بعصبية: عايز إيه! مش كفاية اللي عملته؟

-ضحك: إنتِ اللي فتحتي الباب!

-بتضحك! ما إنتَ اللي جاي وأحمد مِش هنا

-مش هنا؟ طب هقعد أستناه، وأنا آسف جدًا إن دايقتك.

-متفتكرش إني هفتحلك الباب وأحمد مش هنا!

-إن فتحتي الباب هزعلك أصلًا!

"هو إيه الواد الرخم ده! بس استنوا لحظة... يزعلني؟ يزعلني إزاي؟ إن زعلني هـ... هعيط! وبعدين أنا أصلًا مستحيل أفتحله"

-أنا ملحقتش أرفع راسي أشوفك على فكرة، اطمني.

"مردتش بس فرحت، دخلت أوضتي ومسكت الفون واتصلت على أحمد"

-صاحبك الرخم بره

-صاحبي الرخم أنهي فيهم؟

-هما كلهم رخمين ولا إيه؟

-أيوه

-صاحبك أبو شعر اللي كان معاك الصبح

-خليل؟

-آه، وأنا غيرت رأيي مش تجوزهولي

-ضحك: إنتِ تطولي أصلًا! يالا خمس دقايق وهاجي، متفتحيش الباب... سلام

"أخويا بيحترمني وبيقدر مكانتي وعلو شأني! نرجع بقى لِـ أستاذ خليل اللي اكتشفت إنه قاعد على السلم بره، هاين عليا أطلع أديله اتنين جنية ونص حاجه لله! دمي خفيف؟ دمي شربااات"

-مين؟

-أنا أحمد يا عائش

-أحمد بجد ولا كده وكده؟

-لا كده وكده!

-كان قلبي حاسس، امشي مِن غير مطرود!

-عائش افتحي

-قول كلمة السر

-معندناش كلمة سر!

-لا ما أنا عملت واحده

-امتى؟

-وإنتَ بره

-ومطلوب مني أعرفها إزاي؟

-ببلاهه: تصدق معاك حق! طب قول اسم دبدوبي إيه؟

-ويني الدبدوب

-إجابة صحيحة، افتح بمفتاحك بقى! 

-نعم ياختي! 

"سمعت صوت صاحبه بيضحك، رخم طول عمره! هه من ساعتين يعني"

-بضيق: بتضحك على إيه؟ 

-كتم ضحكته: ولا حاجه افتح يا أحمد يالا

-ماشي اصبر بقى

"جريت قعدت في أوضتي وأحمد وصاحبه قعدوا في الصالة وبعد ساعتين صاحب أحمد مشي"

-عائش! اظهر وبان عليك الأمان

-مشي؟ 

-اهاا، وحكالي اللي حصل

-بارتباك: و؟ 

-اخذني تحت دراعه: تربيتي والله

-مش متدايق عشان زعقتله؟ 

-لا، كده تعجبيني، بس بعد كده ابقي اتأكدي قبل ما تفتحي الباب

-حاضر

"بعد أسبوع صاحب أحمد زاره تاني والمرادي قعد كتيييير وسمعت أحمد بيتكلم بديق" 

-معندناش بنات للجواز!

-بهدوء: ليه بس؟ 

-عائشة لسه صغيرة

-عشرين سنة ولسه صغيرة؟ 

-بارتباك: و... وعندها أطفال تحفظهم في المسجد

-طب ما أنا بأُم الناس في نفس المسجد وهوديها وأجيبها! 

-بتعجب: إنتَ رتبت للمستقبل خلاص؟! 

-أحمد مبرراتك غير مقنعة، إنتَ غيران؟ 

-مش عايزها لحد يا خليل، عايزها معايا علطول! دي بنتي قبل ما تكون أختي

-مقدر... أنا مقدر والله، بس دي سُنة الحياة، مِن حقها تتجوز ومِن حقك تتجوز، مينفعش تقعدوا مخللين جنب بعض! 

-مسح دموعه قبل ما خليل يشوفها: رأيك كده؟ 

-آه، وعارف؟ 

-إيه؟

-بابتسامة: إنتَ ربيت كويس أوي

"خليل مشي وأنا هموت وأعرف كانوا بيتكلموا عن إيه، وكأن أحمد حس بيا! لقيته دخل الأوضة وهو شكله حزين وفرحان في نفس الوقت!" 

-بتعجب: مالك يا أحمد؟ 

-بابتسامة حزينة: كبرتي يا عائش

-بتعجب: كبرت؟ 

-كملت بحماس: طولت بجد؟ 

-لا في فرق بين الطول والكبر، إنتِ لسه أوزعه زي ما إنتِ

-بضيق: تسلم يا رجولة والله

-قعد جنبي على سريري: خليل صاحبي... 

-الرخم أبو شعر؟ ماله؟ 

-طلبك مني

-آه طلبني منك... لحظة! إيه! 

-هتقابليه وتفكري كويس والرأي رأيك

-بس... 

-لو مكنش شخص كويس مكنتش وافقت إنه يقابلك يا عائش

-حضنته: مش عايزة أسيبك

-ولا أنا

-إرفضه يا أحمد

-بمرح: لأ؛ عايز أقول أن رايح بيت أختي مره

-ضحكت: هغديك بشاميل

-لما تتجوزي؟ 

-ضحكت: لا لما اتجوز هغديك كشري

-فقر مِن يومك

"وأخيرًااا جه اليوم اللي هقابل خليل فيه، كنت متوترة ومُرتبكة ورفضت إني أرفع النقاب لما أحمد طلب مني"

"كان هو وأحمد بيتكلموا وبعدها أحمد جه وخلاني أشيل العصير وقالي: يالا اطلعي وأنا هسبقك.

طلعت وأنا برتجف وشايله العصير وأول ما قربت منه وقعته عليه! أيوه يا جماعة زي ما بقولكم كده، عصير المانجا في ذمة الله وكذلك هدوم الواد الغلبان"

-خير... خير دلق العصير خير

-طب تعالى غيَّر مِن عندي

-ياريت والله يا أحمد، أنا حاسس إني مِمَنِّج

-إيه؟

-جايه من كلمة مانجا

"احم... غير البدلة ولبس تي شيرت وبنطلون من عند أحمد وقعدنا تاني وأحمد قعد في ركن بعيد شوية الخاين"

-أنا آسفة

-بابتسامة: أنا مُتفائل

-.....

-أنا خليل محمد سعد خريج آداب قسم إيطالي

-بتعرف تتكلم إيطالي؟

-ضحك: لا متخرج بواسطة

-ما أنا بقول كده بردو

-أيوه يا بنتي بتكلم إيطالي!

-طيب ياعم عرفنا إنك مُثقف

-بتعجب: نعم!

-لا متشغلش بالك، كمل...كمل

-إمام المسجد اللي بتحفظي فيه الأطفال قرآن

-بحماس: احلف! 

-ضحك: والله

-هو صوتك ده صوتك حق؟ اللي هو بتقرأ بيه ده؟

-لا سالفه

-باقتناع: كان قلبي حاسس

-يا بنتي إنتِ شكلك يديكِ عقل أكبر مِن كده! 

-لو سمحت احترم ذكائي الفذ، وبعدين أحمد قالي أكون على طبيعتي، وإنتَ شكلك ميديش على إمام مسجد خالص! 

-يدي على إيه؟ 

-معرفش

-نرجع لموضوعنا؟

-ياريت والله

-المهم... أنا بشتغل مُترجم

-بترجم إيطالي بردو؟ 

-اتنهد: آه

-لا ما شاء الله

-عندي ٢٥ سنة

-قاطعته: امممم

-والدي ووالدتي متوفيين ومليش أخوات

-في نفسي: ياعيني يابني!

-إنتِ معايا؟ 

-آه اتفضل حضرتك

-بتعجب: بقولك كلميني عن نفسك؟

-أنا عائشة وأصلي معروف، عايشة مع أحمد أخويا ومعنديش أغلى منه ولا هيبقى عندي

-سألني: حتى لما تتجوزي؟ 

-بصتله بطرف عيني: أحمد عاش عشاني ومتجوزش عشاني وكان ليا أب وأخ وصديق، على آخر الزمن هييجي حد يبقى أغلى منه؟

-بابتسامة: معاكِ حق

-اممم خريجة شريعة وقانون، وبحفظ الأطفال قرآن في المسجد

-اممم عارف سمعتك سبقاكِ

-سمعة حلوة؟ 

-أوي

-طيب إن كان في نصيب هكمل تحفيظ؟ 

-أكيد

-سقفت بإيدي: هيييه

-بصلي بتعجب وابتسم: ها؟ 

-بعدم فهم: ها إيه؟ 

-مش هترفعي النقاب قبل ما امشي؟ 

-لأ

-بتعجب: لأ؟ 

-إنتَ شوفتني مره لما فتحتلك، خلاص فرصك خلصت

-والله ما... 

- شششش متحلفش مش رفعاه، إلا نقابي

-خلاص براحتك

"أحمد قرب مننا وبصلي بتعجب كده وراح رافع النقاب! وطبعًا كلمتي هي اللي ماشية في البيت ده" 

-مش أنا قُلتلك ارفعيه؟

-خليل ضحك فبصيتله بغيظ: بتضحك ليه؟

-لا ولا حاجه

"وافقت على خليل وخطبني ٦شهور وبعد كده عقدنا والنهاردة فرحي"

-بعياط: أخويااا

-بعياط: أختي

وجرينا حضنا بعض جامد

-أختي

-أخويا

-بملل: يالا بقى العربية تحت

-اسكت يا واد! بنتدرب على اللحظة دي مِن زمان

-أنا وخليل نزلنا وأحمد نازل ورانا ووقف على باب العمارة وهو بيشوفني بركب العربية: أختي هتمشي وتسيبني... أختي هتمشي وتسيبني

-يا أخي تبًا للمحن!

-اسكت إنتَ يا خليل

-يابني احنا في الشارع اللي وراك! 

-اسكت يا ظالم!

-بصدمة: نعم! 

-هتحرمني مِن أختي يا ظالم؟ ياريتني ما سمعت كلامك

-أحمد بطل هبل أبوس ايدك

-بقولك إيه طلقها

-عايزني أطلق أختك يوم الفرح؟! 

-آه

-أحمااد

-عايز إيه؟ 

-تعالى اتغدى معانا بكره

-مِن غير ما تقول، أنا راشق عندك كل يوم

-ليه؟ متجوزك إنتَ وأختك؟ 

-خليييل! 

-نعم؟ 

-طرقني يالا

-يعني إيه؟ 

-على بيتك ياااض! 

-طيب يا عم متزوقش

"طبعًا أنا قاعدة في العربية هموت من الضحك ركب وساق وانطلقناا" 

-عاجبك اللي أخوكي عامله فيا؟ 

-الحقيقة آه

-لا شكرًا بجد

-سيد عيب متقولش كده احنا أهل

-بصلي بنظرة جانبية: إلا نقابي ها؟ 

-أيوه طبعًا

-جوزهولي يا أحمد مش كده؟ 

-اتصدمت: نهار ملون! هو قالك؟ 

-ضحك: قالي حاجات كتييير

-نعم! قالك إيه؟ مبتردش ليه؟ إنتَ يا واااد! أشوف فيك يوم يا أحمد ياخويا! 

"تاني يوم أحمد اتغدى معانا فعلًا ومرت الأيام بسعادة لحد ما جه اليوم اللي عمري ما هنساه في حياتي" 

-عائش

-نعم يا خوخة؟ 

-خوخة! إمام المسجد يتقاله خوخه؟ 

-آه

-الله يسامحِك

-كنت عايز إيه بقى؟ الأكل هيتحرق إنجِز!

-إيه رأيك ناخذ الغدا ونروح نتغدى مع أحمد؟ 

-الله! فكرة هايله

-يالا بقى الأكل هيتحرق

-خليل

-قلبه

-إنتَ شخصية جميلة أوي

-دي أقل حاجه أعملها للراجل اللي كان سند وصاحب ليا، واللي منحني أغلى ما يملك، ياااه يا عائش لو تعرفي مكانة أحمد في قلبي عامله إزاي

-إزاي؟

-إنتِ ملكتِ نصف قلبي وهو مَلَكْ النصف التاني

-بتأثُر: خليل

-نعم

-بحبك بالإيطالي

-ضحك: اعتبرها إيطالي يعني؟ 

-آه

-ماشي يا ستي Ti Voglio bene

-يعني إيه؟ 

-يعني أنا بحبك

-الله يباركلك يابني

-هو أنا بقولك تعالي ما أوصلك يا حاجه؟ 

-الأكل! سأُخبر الله بكُل شيء

"روحنا لأحمد واتغدينا معاه" 

-إيه الأكل المحروق ده يا بت؟ الله يعينك يا خليل

-قال بحزن مصطنع: شوفت معاناتي يا أحمد؟ 

-بغيظ: اسكت يلا! إنتَ السبب، وكلوا وانتم ساكتين! 

-حاضر

-حاضر

-كده تعجبوني

-والله إنتِ اللي عجباني

-ولا! إحترم إن أخوها قاعد

-اشش اسكت إنتَ وهو

-بقلق: مالك يا عائش؟ 

-مش عارفه يا أحمد، حاسه إني تعبانة

-وقف أحمد بقلق: طب تعالي نروح لدكتور

-لأ، بلاش أرجوك

-طب نامي جوه يا حبيبتي ارتاحي شوية

-أنا هدخلها يا خليل

-تمام

"وأنا داخله وأحمد ماشي جنبي حسيت بدوخه وغمضت عيني واستسلمت، خليل جري ناحيتي وهما الإتنين سندوني في وقت واحد ومحستش بحاجه بعد كده... " 

-بتعب: إيه اللي حصل؟ أنا فين؟ 

-...... 

-...... 

-مالكم مبتسمين زي الهِبل كده ليه؟ 

-عائش

-خير؟ 

-حبيبتي

-نعم؟ 

-عائش! 

-قول يا أحمد؟

-حبيبتي! 

-انتم علقتم ولا إيه أنتَ وهو؟ 

"ومره واحده لقيت الإتنين بيحضنوني ومبسوطين وأنا مش فاهمه أي حاجه! هو في إيه يا جدعان؟" 

-هتقولوا في إيه ولا أعرف بطريقتي؟ 

-أنا هقولك

-باعتراض: لا يا حلو أنا اللي هقول

-أنا جوزها! 

-أنا أخوها! 

-أنا الأب! 

-أنا الخال

-أب وخال إيه؟ 

-ركزت شوية وقُلت بصدمة: اللي في بالي صح؟ 

-الإتنين بصولي وضحكوا: احلفوا!

-والله!

"المرادي نطيت على الإتنين حضنتهم"

"بعد ثمن شهور رزقت بابني الأول"

-ها هتسميه إيه؟

-أنا اللي هسميه؟

-أيوه يا عائش؛ دا ابنك الأول سميه إنتِ

-بصيت للبيبي بابتسامه: أحمد

-نعم يا عائش

-لا مش إنتَ، أحمد... اسمه أحمد

-بفرحة: بجد؟ في أسماء أحلى بكتير زي مثلًا....

-أحمد... مفيش أجمل مِن اسم أحمد

-اتجمعت الدموع في عينه: ليه؟ ليه مفيش أحلى منه؟

-عشان اسمك، يا أجمل إنسان وأب وأخ وصديق على وجه الأرض

"وكنت في حضنه! حَضنِّي براحة وبلطف عشان تعبانة بس حقيقي مبحسش بالراحة غير في حضنه"

-خلاص يا شباب هتخلوني أعيط

-ابتسم: هشيل أحمد الصغير واقعد بيه بره شوية

-ابني ابنك يا كبير

-تسلم يا خوخة

-خوخة بردو!

-سلامات!

-حمدلله على سلامتك يا عائش

-الله يا سلمك يا خليلي

-بابتسامة: خليلك؟

-ضحكت: وأبو العيال

-بتذمر: بتقطعي اللحظات الحلوة ليه؟

-خليل

-يا نعم؟

-بِـ حُب: Ti Voglio bene

-ابتسم: anch'io ti amo

"جمعنا القدر لتصير خليلي في الدنيا، ورفيق طريقي للآخرة، دُمت خليلي يا خليلَ عائش .....💙".

"لا أُحلل الإقتباس بدون الاسم"

#ملك_أحمد| "مليكة".