الشاعر: أحمد ناصر

*"الكلام مهما كان جارح ما بيأذيش.."*

*"وانا مش لاقي كلام يتقال أكتر من اللي قالُه الدرويش.."*

*"انا الطفل اللي كان نفسُه في حُضنك يعيش.."*

*"وأنا اللي صابُه داق النسيان بس منسيش.. "*

*"فضلت أبكيلك في القصايد لأجل تستني..؟"*

*"لي مستنتيش.."*

*"الكُل قالي انك خلاص عايشة عادي من بعدي.."*

*"والكُل قال إنك نسيتيني.."*

*"كدبت كُل الكلام ومترددتش لحظة وانا بنسخ ليكِ للمرة الرابعة وحشتيني.."*

*"ولو كُل اللي عارفينك قالولك في غيرك بيغويني.."*

*"وحشتيني.."*

*"وحشتيني قد وحشتي للجدي اللي مات.."*

*"وحشتيني زي مابيوحشني عُمري اللي فات.."*

*"وتوحشني الليالي اللي بنا وتعذبني ليلاتي الذكريات.."*

*"انا..انا من بعدك صابني الحُزن وبقيت من قسوة الليل بخاف.."*

*"زي نهر إتمنى يشوف مطر من كُتر ما صابُه الجفاف.."*

*"وتوهت.."*

*"وتوهت مني فيكِ.."*

*"فمشيت في الشوارع بدور عليا لقتني بدور عليكِ.."*

*"وتعبت ودابت من الدموع عيني.."*

*"وتعبت من قولة كلمة وحشتيني.."*

*"دي حتى الليالي.."*

*"حتى الليالي بقيت باردة من دونك.."*

*"وإيه في الدُنيا دي أدفى من عيونك.."*

*"ياليلى.."*

*"انا قيس اللي عاش فيكِ وسموه مجنونك.."*

*"متقيد من غيرك والدُنيا من غيرك أشبه بحيطان زنزانة.."*

*"غيابك عني ساب حُزن جواي يملأ مليون خانة.."*

*"انا..انا اللي عاش فيكِ ومات منك.."*

*"وانا اللي كان شمسك وكان ضلك.."*

*"وانا اللي بعد الغياب لسه فاضلك.."*

*"قلبك.."*

*"قلبك جُندي في وقت الحرب خان قادتُه.."*

*"وانا بعد الخيانة قلبي حَبك.."*

*"وهيعمل ايه إذا كان حُبك مش بإردتُه.."*

*"زي ما تكوني سؤال إجباري وقلبي في الامتحان مُجبر على حلُه..؟"*

*"وعيوني من كُتر البص عليكِ في غيرك ملُه.."*

*"فا إذا كُنتي اليهود فا قلبي فلسطين خلي جنودك يحتلُه.."*

*"انا خلاص قلبي لا قد الغياب ولا قد الفُرقة.."*

*"وكُل ضحكة من غيرك خارجة بحُرقة.."*

*"وكُل كلام بيخرج مني بيروحلك.."*

*"وكُل أما أحب جديد أحبك تاني.."*

*"وبميل لك كُل اما اتنهد وبسمع صوتك في الاغاني.."*

*"وحشتيني.."*

*"ولو كُل اللي عارفينك قالولك اني مش شبهك. "*

*"ولو كُل اللي عرفني قالُولي بعتيني.."*

*"وحشتيني.."* 

*"أحمد ناصر "*🍁