يوسف شاهين مقالش اسكندريه ليه؟!
بس عمرو حسن كان عنده اسبابه لما قال وحشتيني
يا سارقة من القلب روحه وعنيه
وواقفة بين شكي ويقيني
سالت نفسي انتي ليه؟؟؟!
ظهر حنينك ف عيني..!
بتوحشيني وطال بُعدك
وبعدك لسة بيجرح ليلي
ثبوت القلب بين الضلوع
امر سهل لأي حد غيري
اغير عليكي من القوافي
احب الشعر وانتي تغيري
اغني الشعر وانتي تميلي
هوي الرصيف يحضن خطاوي العابرين
عينك بحر و تايهة مراكبي بين شطيه
ولاني مش اقل من يوسف شاهين
مش هوضح انتي ليه؟!
جايز يهدي موجك وتعود مراكبي
ياخدك فضولك تساليني؟!
انا مش عمرو حسن ف الشعر
لكنك برضوة وحشتيني....
.....
اثبات العكس هو نقطة رجوع الاصل
نقطة بدايتك تشبه نقطة نهايتك..!
غيابك كشف وجودك الكسر
والشعر قرر يستر حكايتك
الرحيل وقت انتهاء الشغف
اوقات بيسيب حاجات موجوعة
بس الرحيل بدري زي العلاج بدري
ودي اسمها خيانة مشروعة...
الفراشة مكنتش بتأذي حد
ودا شئ بيثبت تورط الصياد
قلبك هش من فترة
فطبيعي تخاف من الصدمات
لو كان القلب يا ناس مطاط
مكنش يحيي حب نورا
ولا كان قلبي هيرميني
مكنش الدرويش عرف الشعر
ولا كنتي حتي هتوحشيني....!
وحشتيني...
.......
دقيقتين سكات من فضلكم
لو مكنش السكات هيضركم
سيبوا العيون تحكي ازاي كسرتوا ضُلكم؟!
وليه بوصلة الحب ف كل مرة بتضلكم
وسبب الهزيمة حد دايما منكم
ممكن احاول اقولكم:
ان الحزن ف الاحداث
مرتبط دايما بوجود الناس
والناس مهما طال وجودها
هيجي يوم وتكسر وعودها
يخسر قلبك حرب البقاء
ينسحب شعرك من حدودها
بكتبلك دلوقتي لاني حابب اكتبلك
ساتر قلبي بقصايدي
الشعر اتولي ردي
زرعتك محبة وود
شوفتك ف يوم ارضي
حاولت اراضيكي م الدنيا
كان املي ترضي
وقت الحرب طلبتك
وزي عوايدك رفضتي
والبُعد قسوة وجريمة
رحيلك كان اعلان الهزيمة
يا ذكري جرحت سنيني
اخر محارب ف قلبك
جاي يقولك وحشتيني....
........
ودع مراكبك كل اول شهر
ابكي كل اخر صبر
وجع القلب مش زي الم الضهر
كونك سايب حد منك
دا شئ بيحسس بالقهر
بلاش نفتح مواضيع هتفتح جروح علينا
هنفتكر كل اللي مشيوا ونبكي والامر مش بايدينا
خلي القعدة حلوة
سيب الوجع فينا
شبك الهوي خوفنا
ساعتها فعلا خوفنا
وغرقت بينا السفينة
وقفت اسكندرية حداد
سابها البحر الابيض
سالتوا اسكندرية ليه؟!
شارع البحر كان بيعيط
ملعونة النواصي ف الشاطبي
والمكس تحب الدخان
الورد ع البحر يا درويش
وردتين محبة وورديان
القلب امان بيساع
الشط شال اوجاع
وليه بنحبوا البني ادمين
الاجابة عند يوسف شاهين
نظر الدرويش لعيني
وكنتي ساعتها بتجرحيني
سالني ساعتها بتوحشك؟؟؟
قولتله انك وحشتيني....
_عمر ابوالقتوح
تعليقات
إرسال تعليق