انا كنت شاري لو كنتي تتعاشري
سالني صاحبي: حورية يا ابراهيم؟!
رديت وقولت حورية يا عشري
وانا عمري ما خوفت العمر يفوت
ولا شئ هزمني غير هواكي
قلبي عمرهُ ما خاف الموت
لكن كان بيخاف معاكي
لو كُنا اتقابلنا ف زمن تاني
كان حالنا هيبقي احسن
وكان الزمن هيحن...
حديد الحب اصعب من حديد السجن
حديد السجن فترة وبيتنقص
لكن حديد فِطرة ومش بتخلص
وانا قلبي صعب يفهم
رغم انهُ ف الغالب بيندم
وتبان جواه جروح
معنديش ف الدنيا الا عشري
واوضة صغيرة فوق السطوح
ودا كل ما امتلك
لا عندي فلوس بدون اخر
ولا قصر زي عبد الملك
وف الاخر برضوة هتختاريه
وتسيبي قلبي وجعهُ فيه
هان عليكي عبد الملك
فطبيعي تهوني عليه
تطلع روحي وعيني عليكي
تبان الرعشة ف ايديا
اهون عليكي يا حورية
لكن متهونيش عليا
_عمر ابو الفتوح
تعليقات
إرسال تعليق